من 170 ل83 ك بعد التكميم فى خلال سنه ونص
حياتى كلها تقريبا كانت سلسلة متواصلة من الريجيمات المختلفه ووزنى طالع نازل لحد ماوصلت فى مرحلة ما لانه بيطلع وبس ودخلت فى دايره مغلقه مابين معدا وزنى والاكتئاب , يطلع وزنى اكتاب واما اكتاب اقاوم اكتئابى بالاكل فيزيد وزنى اكتر بقيت مصابه بارتفاع ضغط الدم ووصلت لدرجة ان جاتلى ذبحة صدرية مستقرة بعد ماوصل وزنى ل 170 ك .
وشكلا طبعا اتدمرت بقيت حاسه ان عندى 100 سنه وانا لسه 28 وصلت لدرجة انى مش عارفة اسرح لبنوتى شعرها وان حتى النوم بقى صعب ده بقى مغامرة يااصحى منه يا لا بسبب انقطاع نفسى اثناء النوم وهنا خدت قرار ان لازم اعمل عملية لانقاص وزنى وبرغم رعبى وقتها من فكرة الخضوع للبنج وانا بالوزن ده الانى قررت انى اموت ولا انى اكمل عايشه بالشكل ده وبعدماسالت فى مراكز كتييييير ومين دكتور احسن وقع اختيارى على دكتور حسام اللى صراحة من اول زيارة قررت هو ده اللى هيعملى العملية لانى حسيت قد ايه هو حد محترم وبقيت واثقه فيه جدا , لكن ظهرت مشكلة تانيه ارتفاع سعر العملية او بمعنى اصح تفاوت الاسعار الرهيب اللى حطنى فى حيره ليه بالسعرده وفى اماكن تانيه النص وفى اماكن تالته اقل من ربع السعر ده كمان وعلشان يريحنى د حسام طلب منى اشترى لنفسى الادوات بشرط تكون ادوات امريكى لانه مش هيعمل العملية بادوات اقل من كده واجيله وفعلا رحت اشترى الادوات اللى فوجئت ان سعرها لوحدها بسعر العملية اللى الدكتور قالى عليها ولسه المفترض باقى التكلفه الجراح والمستشفى وغيره فرجعتله علشان افهم وعرفت ان سعرها كده فعلا بس لانه بياخد كمية فبيكون السعر ليه اقل وان الفرق بالظبط بيكون فيما بعد اجر الجراح وطاقم العمل والمستشفى طب ايه ياجماعه امال التانيين بيستخدموا ايه.
وفهمت ان فى ادوات صينى وادوات صينى مستخدمة وادوات منتهية الصلاحية وغيره واللى طبعا بيكون سعرها اقل لكن بابادل بالسعر حياتى ,
المهم الحمد لله عملت العملية بعد ماساعدنى د حسام اختار الاجراء الانسب ليا وكان التكميم ونزلت من 170 ل 83 فى سنه ونص .
بس مش بس نزلت انا قررت انى انزل صح انزل فى وزنى وصحتى تكون كويسه فالتزمت بتعليماته واكلت كمان اكل صحى ولعبت رياضه وبقالى سنتين مستمرة فى المتابعةمعاه ومع فريقه واصبح بالنسبه لى مش بس دكتورى لا حقيقى باعتبره اخويا الاكبر وليه ولفريقه كل التحية والاحترام
